Nafnspjaldakeppnin

Keppni i hönnun nafnspjalda hefur verið fastur liður á undanförnum kóramótum og á því verður engin breyting nú. Nafnspjaldasamkeppnin verður að sjálfsögðu á dagskrá kóramótsins í Gautaborg 2005.

Á kóramótinu í Lundi, 2001, sigraði Kór Íslendinga í London, en á kóramótinu í London fyrir tveimur árum sigraði svo Kvennakórinn i Kaupmannahöfn. Bikarinn fyrir bestu hönnun á nafnspjöldum er því í fórum Kvennakórsins fram að kóramótinu í mars á næsta ári þegar nýr sigurvegari verður krýndur.

Nafnspjaldakeppnin fer þannig fram að hver kór hannar nafnpjöld, sem meðlimir kórsins bera á barmi sér (eða hvar sem er) á meðan á kóramótinu stendur. Hver kór tilnefnir síðan einn dómara sem sitja skal í Nafnspjaldadómnefndinni, þ.e. hver kór fær einn fulltrúa í nefndina. Dómnefndin mun síðan meta og kjósa flottasta (merkilegasta) nafnspjald kóramótsins. Sigurvegarar verða síðan krýndir í veislunni um kvöldið.

Til baka